Uraren kultura

Gehiago gastatzen duenak gehiago ordaintzen du

Herritarrok kostu-preziotik beherako tasa bat ordaintzen dugu. Erakunde publikoa gara, Udalena eta Administrazio Batzarrena, eta horregatik gure xedea da ura etxe guztietara justiziaz eta lurralde orekaz hel dadila; izan ere, berdin ordaintzen du Amurrioko erdialdeko etxe batek eta urrun dagoen baserri batek.

Gehiago kontsumitzen duenak, faktura handiagoa ordaindu beharko du, hala diote Esparru Zuzentarauak eta Euskadiko Uraren Legeak. Etxean aurreztea, ez soilik ura ondasun eskasa delako, baizik eta, gainera, filosofia honako hau delako: gehiago gastatzen duenak gehiago ordaintzen du. Hala, kontsumitzaile handiek gehiago ordaindu beharko dute.