Familian aurreztea

Etxean ura aurrezten dugu

Aholku hauek betez gero, oso erraza izango da ura familian aurreztea. Bete itzazu, eta ikusiko duzu zenbat aurreztu dezakegun.

5 minutuko aurreztea Aiaran

“Hemen daude Aiarako haraneko pertsonengandik jaso ditugun aholkuetako batzuk. Hauek, Kantauriko Urkidetzak bezala, uraren kontsumo iraunkorrarekiko konpromisoa hartzen dute. Eskerrik asko parte hartu duzuen guztioi”.

Miriam Eguia,  Amurrio
Termostato bat kokatzea dutxaren txorrotan edo zuzenean ur beroaren galdaran. Oso ekintza erraza da eta horrela ura zuzenean nahi dugun tenperaturan irteten da; ur litro ugari aurrezten dira, ez baikara txorrota irekita egon behar, ura berotzeko zain.

Nuria Ojembarrena, Amurrio
Edalontzietan, bazkarian edo afarian soberan geratzen zaigun ura, irakiteko gailu batera bota dezakegu, irakiteko eta infusioak egiteko balio baitigu, edo, besterik gabe, sukaldean aritzean erabiltzeko.  Beste ideia bat: nik, sukaldean nabilenean eskuak askotan garbitzen ditudanez, beti uzten dut ura harraskan katilu handi batean, eta hori erabiltzen dut eskuak garbitzeko behar dudanean, txorrota ireki behar izan gabe.

Mari Mar Oribe, Laudio
Harraskan tapoia jartzea platerak, edalontziak eta gainerako tresnak garbitzerakoan. Gero ur horrek sukalde-gainekoak garbitzeko balio du.

Oscar Trueba, Artziniega
Nik etxean lehorgailua dut. Udazken-neguan dezente erabiltzen dut. Bada, kutxan geratzen den ura lanbasaren ontzira botatzen dut eta ur horrekin sukaldeko edo bainugeletako zorua garbitzen dut.

Nagore Bañales, Laudio
Alergia arazoak dituen seme bat dut eta horregatik bere gelan hezetasun-kengailu bat erabiltzen dut. Nire trikimailua gailuak jasotzen duen ura nire balkoiko landareak ureztatzeko erabiltzea da; horrela ez dut txorrotako ura erabili beharrik.

Carmen Angulo, Menagarai
Ur freskoa gustuko baduzu gorde ezazu hozkailuan eta horrela ez duzu urik galduko txorrotatik hotz irteteko zain zauden bitartean.

David Hernández, Laudio
Hemen, etxean, egiten dudana da abesti bat jarri eta hori amaitu baino lehenago dutxatzen saiatu. Bestalde, ur emaria murrizten duen txorrota bat dut.

Liliana Isabel Pareja, Laudio
Urez betetako botila bat itxita sartzea tangan, deskargatuko duen uraren bolumena txikiagoa izan dadin… Beti funtzionatzen du. 

Edu Aller, Amurrio
Txorrota bakoitzean emaria murrizteko gailuak erabiltzea eta ontzi-garbigailua soil-soilik bete-beteta dagoenean jartzea.

Unai López, Artziniega
Nire arreba eta biok batera bainatzen gara bainuontzian. Horrela, batera une atsegin bat igarotzeaz gain, uraren erdia xahutzen dugu. Esan beharra dago 6 eta 3 urte besterik ez ditugula, kar-kar.